مرت سنة يا بوي

مرت سنه يا بوي من وقت فرقاك وقلبي الى هاليوم شمسه عتيمه

مرت سنة فرقا وحسك وطرياك متوسد باوراق حزني القديمه

مرت سنه وانا اتخضب بذكراك بدموعي اللي في عيوني مقيمه

من عجلت في رحلة الموت ممشاك وانا حياتي ما لها اي قيمه

البارحه في غفلة الليل اطراك قلبي ونادت آهتين فصيمه

ومرت بعيني صورة ايام دنياك واوقات كانت في حياتي عظيمه

ياما عطيت الناس من خير ما اعطاك وياما مسحت دموع ثكلي كليمه

وياما يمينك سابقت خير يسراك حتى ادينك شبهوها بغيمه

يابوي ابنك دربه صارت اشواك ومعاد تمطر فارضه اي ديمه

واللي خبرته يحسب حساب يمناك واشد ظهري فيه عند العزيمه

ما مداك بس تموت يابوي ممداك الا وجا يهدي لعمري الهزيمه

ومابين غبنة ذاك وجروح هذاك وفراق كلي منه روحي سقيمه

وهذا انا يابوي من بعد فرقاك تذكار كنت وصار اسمي يتيم

الله يرحموو ويجعل مثواااه الجنه
ان شاء الله

شكرااااااا لمرورك الكريم